IMMA Lasmuigh Faoin Aer

Chuir IMMA Outdoors 2023 i láthair, clár bríomhar imeachtaí saor in aisce a ghníomhaíonn suíomh 48 acra an mhúsaeim trí imeachtaí, léirithe, ceol, cainteanna, taispeántais, ceardlanna agus turais faoi stiúir ealaíontóirí.

Meitheamh – Meán Fómhair 2023

Chuir IMMA i láthair IMMA Amuigh Faoin Aer 2023, clár bríomhar d’imeachtaí saor in aisce, lenar cuireadh láithreán 48-acra an mhúsaem i ngníomh le himeachtaí faoi stiúir ealaíontóirí, taibhléirithe, ceol, cainteanna, scannáin,ceardlanna agus turais. Sa chlár i mbliana, a bhí íar siúl ó mhí an Mheithimh go mí Mheán Fómhair, díríodh ar phobal, thimpeallacht, agus ar spás poiblí an mhúsaem ina shuíomh nádúrtha. Bhí sé mar aidhm ag IMMA spás cuimsitheach, íocshláinteach a chur ar fáil a d’fhéadfadh lucht sprice de gach aois taitneamh a bhaint as.

Chuimsigh an clár Oícheanta IMMA a bhí ar siúl gach Déardaoin agus ag a raibh cainteanna, ceardlanna, damhsa, taibhléirithe, seoltaí leabhair agus ceol beo. I measc na mbuaicphointí bhí Traveller Voices le hIonad Taistealaithe agus Roma Pavee Point, The People’s Shed leis an Ealaíontóir Evelyn Broderick agus Common Ground, agus imeachtaí speisialta mar cheiliúradh Tim Robinson agus an Seó Raidió Hibrideach Alternating Current a cuireadh i láthair in éineacht le Raidió Digiteach Bhaile Átha Cliath.

Le lá nua dírithe ar an teaghlach, Dé Domhnaigh san IMMA, táirgeadh ceardlanna faoi stiúir ealaíontóirí, imeachtaí gairdín, agus ceol sa Chlós. I measc na n-imeachtaí bhí ceardlanna le healaíontóirí mar Navine G. Dossos, taibhléiriú gairdín do theaghlaigh le Isadora Epstein, agus UP-CLOSE, taibhléiriú agus ceardlann a bhí oiriúnach do theaghlaigh.

D’fhill Cóisir Shamhraidh IMMA, Continuous Patterns, i gcaitheamh dhá oíche i lár an tsamhraidh, le ceol, le healaíon, cainteanna, bia agus sólaistí. Chuimsigh an clár freisin taispeántais, saothair léirithe bheo, imeachtaí stiúideo oscailte, scannáin Domhnaigh, agus gníomhaíochtaí móréilimh mar ranganna ióga agus turais oidhreachta.

Críochnaíodh IMMA Lasmuigh Faoin Aer le An Cruinne ag Éirí, éicea-fhéile ceithre-lae lenar cuireadh chun cinn dearfacht i leith na haeráide trí hidirghabhálacha ealaíontóra, ceardlanna, cainteanna agus imeachtaí. Ba í aidhm na féile aghaidh a thabhairt ar ghéarchéim na haeráide agus gníomhaíocht chomhchoiteann i dtreo todhchaí inbhuanaithe agus dóchasaí a spreagadh.

AN CHRUINNE AG ÉIRÍ

21 – 24 Meán Fómhair 2023
In 2023, chuir IMMA i láthair an dara fhéile bhliantúil An Cruinne ag Éirí – féile ceithre lae d’imeachtaí agus d’eispéiris saor in aisce a bhí dírithe ar dhul i ngleic le géarchéim na haeráide agus gníomhaíocht chomhchoiteann a spreagadh i dtreo todhchaí inbhuanaithe agus dóchasaí. D’fhreastail breis is 160,000 duine ar An Cruinne ag Éirí in 2023, ba ionann sin agus méadú 84% ón mbliain roimhe.

Mar chuid de chlár éagsúil na féile, thaispeáin os cionn 50 ealaíontóra a gcuid saothar trí shuiteálacha, scannáin, ceardlanna, agus turais. Ghlac daoine mór le rá i réimsí na heolaíochta, an deartha agus na cruthaitheachta páirt i gcainteanna. Le láithreán tiomnaithe a bhí bunaithe ar théama an bhia coimeádadh ábhair dhúshlánacha agus spreagúla, agus chuimsigh clár scannán an tsraith scannán ceannródaíoch “Leviathan Cycle” le Shezad Dawood. D’óstáil an fhéile freisin imeachtaí speisialta do leanaí agus dhaoine óga, a chothaigh plé faoin mbithéagsúlacht agus faoin inbhuanaitheacht.

Cumhdaíonn An Cruinne ag Éirí gealltanas IMMA chun idirphlé agus tuiscint a chothú agus aghaidh tugtha ar dhúshláin an lae inniu. Trí lucht féachana a mhealladh ar bhealaí cruthaitheacha a spreagann smaointe, is féidir le IMMA braistint phráinne a chothú maidir leis an ngá atá le maoirseacht chomhshaoil agus le pobail a nascadh i ndomhan atá ag éirí níos roinnte.

Comhlíonadh spriocanna An Cruinne ag Éirí 2023 sa mhéid is gur cothaíodh feasacht, iompraíocht inbhuanaithe, gníomhaíochas, comhar, dóchas agus cuimsitheacht. Fuarthas gur eispéireas claochlaitheach a bhí ann a chuaigh i bhfeidhm go mór ar an lucht freastail, agus a leag bonn um rannpháirtíocht leanúnach agus athrú dearfach.